سرپرست وزارت خارجه افغانستان در راس یک هیات بلندپایه دولتی به تاجیکستان رفت.

به گزارش بخش سیاست آریاتودی؛ حنیف اتمر سرپرست وزارت امور خارجه افغانستان روز پنج‌شنبه (27 سنبله – 17 سپتمبر) در راس یک هیات بلندپایه دولتی به تاجیکستان رفت. طبق اعلام وزارت خارجه، این سفر دو روزه به دعوت رسمی تاجیکستان انجام شده است.

وزارت خارجه گفته است که آقای اتمر در این سفر با امام علی رحمان رییس‌جمهور، قاهر رسول‌زاده نخست‌وزیر، سراج‌الدین مهرالدین وزیر خارجه و سید مومن یتیم‌اوف رییس کمیته دولتی امنیت ملی تاجیکستان دیدار می‌کند.

طبق اعلام وزارت خارجه؛ بحث‌ها و مذاکرات روی تقویت هرچه بیش‌تر روابط دو کشور در بخش‌های امنیتی و مرزی، ترانسپورت، سرمایه‌گذاری، تجارت، ترانزیت و انرژی متمرکز خواهد بود.

حنیف اتمر را در این سفر تعدادی از مقامات دولتی، والیان و اعضای مجلس نمایند‌گان همراهی می‌کند.

آریاتودی – بخش سیاست

Print Friendly, PDF & Email